Icon Mission in Negros

by Mary May Togonon (Lay Staff)

Sang Petsa 4 tubtub Petsa 11 sang Disyembre tuig 2016 nahitabo ang Icon Mission sa Minapasok, Calatrava Negros Occidental upod sa pag-ugyon kag pag supporta sang ila na Parish Priest na si Fr. Jun Nograles sa tanan na mga lideres sng 52 ka mga GKK, kag sa tanan man na mga pumuluyo kag naga debosyon sa aton Iloy Sang Sa Gihapon nga Panabang. Bangod sa ka dako sang amo na area sang Icon Mission, gin tunga kami sa tatlo ka mga subteam. Sa una na team sila ni Fr. Julius Martin A. Malacas kag isa man ka pamatan.on kag staff sa isa ka non-government organization na ginatawag CAJDEN na si Ivory Carreon. Sa Ika duwa na team sila ni Fr. Jun Butlig kag ang Youth Coordinator sa Bacolod na si Mary May Togonon kag ang pamatan-on man na si Elvie Gutib halin sa Dumaguete. Kag ang ika tatlo na team na sina Bro. Anthony Andrew Huber Pajar kag ang Youth Coordinator sa Dumaguete na John Navarro kag isa sa ila mga pamatan-on man na si Rosebelle Somuson.

15440368_1356329521052519_3003808265793023951_oSa pag-abot sang Iloy Sang Sa Gihapon nga Panabang nga Icon sa Our Mother of Perpetual Help Parish, madamo nga mga pumuluyo kag mga naga debosyon sa Iloy Sang Sa Gihapon nga Panabang ang nag baton kag nagtambong sa amo nga mission. Sa amon na pag bahin sa tagsa-tagsa ka mga area na angkon namon ang maiinit na pagbaton sang mga pumuluyo na parehas sa pagbaton sa isa ka pamilya. Sa amon pag atubang kag pakig-istorya sa mga pumuluyo amon man nabatyagan ang ila na supporta kag kalipay sa amo na mission.

Madamo na mga aktibidades ang amo na Icon mission, pagpakilala sa aton Iloy Sang Sa Gihapon nga Panabang, pag misa, pag bunyag, pag blessing sa pamilya kag panimalay, pag badlis sa mga gamasakit, pagbisita sa mga eskwelahan kag paghatag sang gamay na pamalandong sa mga pamatan.on. kini tanan na mga buluhaton amon na ubra tungod sa bulig man kag supporta sang mga ginikanan kag mga lideres sa amo na area. Biskan layo kaayo ang mga area na ginakadtuan sa amon team na kaupod sina Fr. Jun Butlig kag ang duha ka pamatan.on na halin sa Dumaguete na si Elvie kag Rosebelle, na naghatag gid sang ila dako na tiempo para maka upod sa amo na mission.

15493229_1356269874391817_4135660099929183450_oMadamo sang mga indi malipatan na manami na hitabo sa amo na mission, paglakat kaupod sa mga pumuluyo sa mga pila ka oras, pag saka-panaog sa kabukiran para amon makadtuan ang mga area na masami indi na makadtuan sang ila pari tungod sa kadako kag kalayo sang area kag para makadtuan man ang mga pamilya na luyag mag pa blessing, kag pag experiencya man sa mga gawi kag buluhaton sang mga pamuluyo sa amo na lugar. Samtang ara sa panglakaton may ara kami na sugat.an na mga bata na halin pa sa ila na eskwelahan, mga bata na ara pa sa elementary kag highschool dala ang ila na tagsa-tagsa ka mga bag. Nagapakita lang ang ina nga situasyon na wala sang may maka pugong sa ina na mga kabataan sa ila pag kaluyag mag eskwela bisan ano pa ka layo sang ila pagpanglakaton. Nakasiling ako sa akon kaugalingon na ang ini na mga bata damo man mahimo na kalipayan sa ila kabuhi biskan wala sa ila ang tanan na mga butang na ara sa siyudad subong, pareho sang computer, cellphone, tablet kag madamo pa. Tanan nga butang na gin himu sang diyos ila na enjoy pareho sa pagpaligo sa sapa kaupod sang ila pareho man na mga kabataan.

Kung may ara manami na experiensya sa amo na mission,  may ara man ini kaupod man nga madamo na pag tuon, sa pagpakisama sa mga pumuluyo, pag pakigbagay sa ila pangabuhi kag pag appresyar sang butang na ara sa imu subong kag pag appresyar sang pangabuhi biskan ara sa pag antos kag kabudlayan.

Leave a Reply

Your email address will not be published. Required fields are marked *